Bom di Warung Mpo Geboy

Posted on 19 July 2009 by

7


Dulu, waktu endonesya masih dicekam ancaman bom. aku pernah menulis Bomber Juga Manusia. Sedangkan kisah Betawi Begaye kali ini dipicu oleh insiden bom di JW Mak Erot Marriott dan Ritz Carlton. Isu bom juga terdengar sampai ke warung gado-gado betokaw mpo geboy. Sambil beberes warung, bang namun mengulas tragedi 17 Juli 2009 di Jakarta.

Bang Namun menggerutu, “fans MU di mari pade kesel!” sambil melap meja makan dengan serbet.
Mpo Geboy bilang, “gak ada urusan sama MU, enih mah urusan politik, bang!”
alaaaaah, politik pake bom! ude kagak jaman maen bom di mari! pan sekarang jaman maen bola!” jawab Bang Namun yang tiba-tiba melamun, ” …. kesian juga gue ame Tri…”
“Lha, ngape lu jadi kesian ame si Tri? lu ade maen ye ame jande kembang entuh?! Jangan macem-macem ye bang!” Mpo Geboy jeles. Ia mengancam bang namun dengan mengarahkan ulekan gado-gadonya ke muka sang suami.
“Et dah, lu! cetek amat pikiranlu! si Tri ntuh yang jualan enpon. yang iklane mau? Lagian, si Tri ntuh pan udeh impes (invest) miliaran perak buat ngejogrogin MU maen di mari. Lha, ujug-ujug ade ntuh tukang bom bego. lha ape kagak rugi diah!”
“Oh si Tri tukang endpon. gue kire lu ade maen ame si tri, jande kampung kite…”
“Mang ngapa?”
“bukan begitu, bang. pan si Tri ntuh banyak diomongi ame tetangge kite. Tiap ari adee… aje cowok baru nyang nganterin die pulang kerje….!”
“Mang ngapa?”
“Bukan gitu, bang. gue kira lu mikirin si Tri ntuh… kalo kagak mah, syukur dah.” mpo geboy tenang.”Trus pegimane ntu si MU? jadi maen ame negare kite, bang?” lanjut mpo geboy.
“Et dah, lu kagak nongton tipi kali ye…”
“Mang nape, bang? Emang udah maen tuh siaran bola nye?”
“Et dah, lu! Ya.. udddaaaaaaaaah!!” Bang Namun cemberut. Bibirnya maju 3 cm.
“Lha, udah? koq gue kagak tau…?” sebenarnya mpo geboy itu ngefans sama MU juga. dia termasuk orang yang menunggu siaran langsungnya di TV. “Trus sape nyang menang, bang?”
“Endonesya! menang WO!!”
“Lha koq menang WO, bang? kayak lomba tujuh belasan aje?” Mpo Geboy terperanjat mendengar kemenangan timnas PSSI All Star.
“Lha, pan MU kagak berani dateng. ude pade keok ntuh orang pade!”
“Oo gitu… wah orang barat entuh berarti cuman jagoan di tipi doangan ye bang? Pas disuruh duel, kagak berani! Keok!”
“Nah lu tau dah…” Bang Namun tak mau meladeni pikiran istrinya yang sebenarnya nggak bener. Tapi ia sedang berduka, memikirkan nasib endonesya. Juga nasib PSSI Allstar yang berlatih tanpa bertanding.
“Lagian kalo gue layanin tuh pikiran bini gue, bisa berabe! bisa panjang dah urusan!!” jelas Bang Namun kepada MT.

Advertisements
Posted in: Betawi Begaye