Semangat Kartini di Kampung Betawi

Posted on 19 April 2010 by

15



pos ronda digambar Antobilang

pos ronda digambar Antobilang

Banyak warga kampung Kapitkotan resah. Penyebabnya adalah komplotan preman yang menjadikan Pos Ronda sebagai pangkalan judi. Biasanya mereka bertaruh uang dengan main gaple, remi, poker, ataupun karambol. Bahkan kegiatan apapun, mereka jadikan peluang untuk mendapatkan uang lewat perjudian. Saat pertandingan Totenham Hotspur lawan Chelsea, merekapun berjudi tebak skor. Apalagi kalau ada siaran langsung Liga Champion. Segala hal bisa diperjudikan. Bahkan, andai mereka tahu soal blogging, siapa yang akan jadi blogger of the week di blogdetik, pasti bakalan dijadikan tebakan berhadiah. ah, lebay!

Mereka berkumpul tak kenal waktu. Siang hari, saat sebagian warga bekerja, mereka lanjutkan perjudian dengan permainan apapun yang bisa dijudikan. Kalau malam, tak usah dibilang deh. Semenjak tak digiatkan lagi program Siskamling (Sistem Keamanan Lingkungan), Pos Ronda sepi. Cuma jadi pangkalan mereka saja.

Kang Haji Rohimin, yang terkenal di kampung Kapitkotan sebagai Guru Ngaji, tak berdaya. Nasehat maupun kemarahannya tak membuat komplotan preman yang dipimpin Bang Acim bergeming.

“Gue udah keabisan akal, Mun!” Kang Haji Rohimin Curhat kepada Bang Namun saat mencukur rambut di kios bang Namun yang letaknya kira-kira 8 meter di depan Pos Ronda.

“Udeh lapor pulisi, Kang Haji?”

“Udah. Tapi kagak ada yang dateng tuh. Lagian si RT juga payah. Mestinye die yang negor! Pan die yang ngatur warga di mari!” Sesal Kang Haji Rohimin

“Orang-orang Mushola juga udah pade negor. Tapi ya, pegimane lagi. Emang kite kagak ada yang berani.”

“Masa same orang kagak bener, takut, bang?” Tiba-tiba Mpok Geboy nimbrung. Sore ini warung gado-gadonya sudah tutup lantaran Mpok Geboy punya jadwal pengajian Majelis Taklim Kaum Ibu.

“Ah elu, perempuan ngarti ape sih!” Bang Namun meremehkan istrinya. “Kite nih, laki-laki, bukannye takut kalo berantem same Bang Acim. Tapi kalo sampe komplotannye marah. kite kuatir yang jadi sasaran ya perempuan same bocah di mari.”

“Ape nyang ditakutin? Jangan lu kire perempuan kagak berani lawan si Acim!” Mpok Geboy protes karena merasa kaumnya direndahkan.

“Alaaaah, perempuan bisa ape sih? Mending lu ngurusin bocah dah! Lha si RT yang jago silat aje keok lawan Bang Acim.” Bang Namun tak mau kalah bersilat lidah.

“Bener. Ini urusan lelaki. Ini urusan bisa jadi kekerasan. Bukan bagian perempuan!” Kang Haji Rohimin mendukung Bang Namun.

“Eh, maaf ye, Kang Haji. Jangan dikire perempuan kagak ngatri ape-ape soal ngelawan yang kagak bener. Lha pejuang-pejuang perempuan bangse kite kan udeh ngebuktiin. Cut Nyak Dien, Cut Mutie. Jangan ngeremehin dong. Kan sekarang jamannye emansipasi.

“Sekarang jaman teknologi impormasih! ude bukan emansipasi!” Selak Bang Namun.

“Eh, bang! nyang namenye emansipasi kagak ade brentinye. Inget ape nyang dipengenin same Ibu Kita Kartini!”

“Kartini! Namenye Kartini!” Selak Bang Namun.

“Ah, gue taunye name die Kita Kartini.” Mpok Geboy tak mau kalah.

“Kartini aje, kagak pake Kita!”

“Alah, suka-suka gue. Sejek bujeg gue taunye Ibu Kita Kartini!”

“Jiaah, elu. Emang susah dibilangin!”

“Eh, Bang. Mau siape kek name die nyang sebenere. Nyang penting isi pesennye! Perempuan kagak mao direndahin. Jangan dikire perempuan kagak bise ngelabrak komplotan Bang Acim. Tunggu aje ntar!” Mpok Geboy meninggalkan suaminya.

“Dasar perempuan. Kalo udeh kalah, ngacir dah!” Bang Namun ngedumel.

Mpok Geboy menuju Musholla karena pengajian Majelis Taklim Kaum Ibu sebentar lagi dimulai.

“Kenape muke lu sewot banget?” Sapa Mpok Haji Ruminah yang sedang membagi-bagikan rebana kepada ibu-ibu lainnya. Kali ini ibu-ibu Majelis Taklim menggelar latihan Rebana atau Kasidahan, buat perayaan Maulid Nabi.

“Gue sebel banget. Masa laki-laki kagak ade nyang berani ngusir komplotan Bang Acim dari Pos Ronda!” Mpok Geboy curhat kepada sesamanya.

“Iye sih. Laki aye aje kemaren dipalak, lantaran Bang Acim kalah taruhan bola.” Mpok Leha curhat juga.

“Pegimane mustinye?” Sambut ibu-ibu lainnya.

Mpok Geboy langsung mengambil satu rebana jatahnya. “Nyok, semuenye ikutin gue!” Ia memberikan komando kepada rombongan pengajiannya.

“Kemane?” tanya beberapa orang sambil mengikuti Mpok Geboy di belakangnya.

“Katenye kite mao latihan kasidah?” Tanya Mpok Leha, yang membawa kincringan.

“Iye, kite latihan kagak di mari. Kagak di Musholla!” Jawab Mpok Geboy.

“Dimane? Di depan kios lu? Ogah ah. Sempit!” kata Mpok Haji Ruminah.

“Di sono.” tunjuk Mpok Geboy, “Tenang aje! Pokoknye lega dah! Ntar kalo gue kasih aba-aba, kite langsung mulai ye!”

“Terserah lu, dah!”

“Iye. yang penting saye ikutan dah.” Sambut yang lainnya.

Rombongan ibu-ibu pengajian sampai di depan Pos Ronda. Bang Acim dan komplotannya yang sedang asyik mirit kartu gaple, menyambut rombongan dengan tatapan heran.

“Pade ngapain emak-emak ngumpul di mari, Bang?” Tanya salah seorang anak buah Bang Acim.

“Tau tuh… et dah… beneran?!” Bang Acim meletakkan kartu gaplenya. Siap-siap berdiri karena rombongan Mpok Geboy sudah ngeriung di depan pos ronda.

“Ayo ibu-ibu kite latihan di mari! Leha! Mulai!” Mpok Geboy memberikan komando kepada Mpok Leha untuk membunyikan kincringan. Sontak, ibu-ibu lainnya langsung memainkan kasidah, “Thola’al Badru ‘Alaina… Minsani ya til wadaa…… dst…” Mereka tak hiraukan komplotan Bang Acim yang satu per satu ngacir dari Pos Ronda.

“Kenape kagak dilawan, bang?” Tanya anak buahnya yang paling kritis.

“Bego, lu! Siape nyang mao ngelawan emak-emak! Biar kate gue menang, ya Malu! Ape kate dunia, kalo gue, Bang Acim, preman asal Kebon Jahe, duel sama emak-emak! Mending kite kabur aja dah. Kite cari kampung laen aje!!!”

Kang Haji Rohimin dan Bang Namun yang menyaksikan dari depan Kios Pangkas Rambut, terbengong-bengong dan tergeleng-geleng. “Alhamdulillah” Kata Kang Haji Rohimin. “Bener juga bini lu, Mun! Ternyate kite kagak boleh nganggap remeh perempuan. Tuh, buktinye, rombongan emak-emak yang akhirnye bisa ngusir komplotan si Acim!”

Advertisements
Posted in: Betawi Begaye